تحریک انصاف نے سینیٹ کیلئے پنجاب کی 2 نشستوں کے ضمنی الیکشن کیلئے پیپلز پارٹی سے مدد مانگ لی - Daily Qudrat
Can't connect right now! retry

تحریک انصاف نے سینیٹ کیلئے پنجاب کی 2 نشستوں کے ضمنی الیکشن کیلئے پیپلز پارٹی سے مدد مانگ لی


لاہور(قدرت روزنامہ)تحریک انصاف نے سینیٹ کیلئے پنجاب کی 2 نشستوں کے ضمنی الیکشن کیلئے پیپلز پارٹی سے مدد مانگ لی، تحریک اںصاف کے وفد کی پیپلزپارٹی کے پارلیمانی لیڈر حسن مرتضیٰ سے ملاقات، اپنے امیدوار کیلئے ووٹ دینے کی درخواست کر دی. تفصیلات کے مطابق پاکستان مسلم لیگ (ن) اور تحریک انصاف نے سینیٹ کی دو نشستوں پر ہونے والے ضمنی انتخاب میں کامیابی کے لئے رابطے شروع کر دئیے ہیں.

ضرور پڑھیں: حکومت کا شہباز شریف، مریم کے سفری اخراجات، رائیونڈ سکیورٹی اور نواز شریف دور کے تحائف کے معاملات نیب کو بھجوانے کا اعلان

تحریک انصاف کے سینیٹ کیلئے امیدوار ولید اقبال اور سیمی ایزدی کے علاوہ دیگر ارکان اسمبلی پر مشتمل وفد نے پیپلز پارٹی کے پارلیمانی لیڈر حسن مرتضی سے ان کے چیمبر میں ملاقات کی .پی ٹی آئی کی جانب سے پیپلز پارٹی سے سینیٹ کے انتخابات میں حمایت کی درخواست کی گئی .

 

پیپلز پارٹی کے پارلیمانی لیڈر حسن مرتضیٰ نے پی ٹی آئی وفد کو آگاہ کیا کہ قیادت جو بھی فیصلہ کرے گی اس پر عمل کیا جائے گا. پی ٹی آئی کے وفد کی جانب سے سید حسن مرتضی کو عشائیے کی بھی دعوت دی گئی. سینیٹ انتخابات کے حوالے سے مسلم (ن) کے وفد نے بھی پیپلز پارٹی کے پارلیمانی لیڈر سید حسن مرتضی سے ملاقات کی .مسلم (ن) کے وفد میں سائرہ افضل تارڑ، رانا مشہود، سعود عزیز، ملک ندیم کامران، سمیع اللہ خان اور دیگر شریک تھے. (ن) لیگ کے وفد نے بھی پیپلز پارٹی سے ووٹ کی درخواست کی جس پر سید حسن مرتضی نے کہا کہ قیادت کو رابطوں کے حوالے سے آگاہ کیا جائے گا اور قیا دت جو فیصلہ کرے گی ہم اس کے مطابق ووٹ دیں گے.

..

ضرور پڑھیں: ’’ اسلام کے کسی نظریات پر یقین نہیں رکھتا خود کو مسلمان بھی نہیں کہتا‘‘ دنیا بھر میں معروف پاکستانی نژاد برطانوی گلوکارشدید تنقید کی زد میں آگئے

مزید خبریں :